ரூ.199-க்கு 1000GB டேட்டாவை வழங்கும் Jio-வின் "ரகசிய" பிளான்

 

ஜியோ ஃபைபர் - இந்தியாவில் மிகவும் பிரபலமான ஃபைபர் பிராட்பேண்ட் சேவை வழங்குநர்களில் ஒருவராக மாறியுள்ளது.

மிகவும் குறுகிய காலத்தில், பல எண்ணிக்கையிலான இணைய சேவை வழங்குநர்களை (ஐஎஸ்பி) வென்று அவர்களுக்கு பின்னுக்கு தள்ளி, ஜியோ ஃபைபர் முன்னால் வந்துள்ளது என்றே கூறலாம்.

இந்த ISP பின்பற்றும் சித்தாந்தமே இதற்கு முதன்மைக் காரணம். அதாவது ஒரு பிராட்பேண்ட் பயனருக்கு சரியாக என்ன தேவை? அந்த தேவைக்கு மீறி எதையெல்லாம் கூடுதலாக கொடுக்கலாம்? அப்படியாக கூடுதலாக கொடுக்கும் நன்மைகள் அவர்களுக்கு பயனுள்ளதாக, ட்ரெண்டிங் ஆன நன்மையாக இருக்கிறதா? மற்ற நிறுவனங்கள் என்ன விலைக்கு திட்டங்களை கொண்டுள்ளது? என ஒன்றையும் விடாமல் அலசி ஆராய்ந்து அதை ஒரு திட்டமாக தொகுப்பதே ஜியோ ஃபைபரின் வெற்றி ரகசியம்!

அப்படியான ஒரு வெற்றி திட்டம் தான் 1TB அல்லது 1,000GB டேட்டாவை வெறும் ரூ.200 க்கும் குறைவான விலையில் (வழங்கும் ரிலையன்ஸ் ஜியோவின் திட்டம். இந்த திட்டத்தின் விலை என்ன? உண்மையில் இதிலிருந்து என்னென்ன நன்மைகள் அணுக கிடைக்கும்? இதோ முழு விவரங்கள்:

ஜியோ ஃபைபரின் ரூ.199 காம்போ (டேட்டா ஷேஷட்) ரீசார்ஜ் பிளான்:

ஜியோ ஃபைபர் அதன் பயனர்களுக்கு 1TB அளவிலான டேட்டாவை வெறும் ரூ.199 க்கு வழங்குகிறது (வரிகளை சேர்க்காமல்), மேலும் இந்த 1TB அளவிலான டேட்டாவானது பயனர்களுக்கு மொத்தம் 7 நாட்களுக்கு கிடைக்கிறது.

உடன் பயனர்கள் இந்த திட்டத்துடன் 100 Mbps அளவிலான இணைய வேகத்தையும் பெறுகிறார்கள் மற்றும் நியாயமான-பயன்பாட்டு-கொள்கையை (டேட்டா லிமிட் - FUP) மீறிய பிறகு இணைய வேகம் 1 Mbps ஆக குறைக்கப்படும், குறிப்பிட்ட வேகத்தில் பயனர்கள் தொடர்ந்து இணையத்தை அணுகலாம்.